أحمد الطيب يُهاجم “ميدو” بسبب انتقاده لـ”كوكا”
انتقد المعلق الرياضي أحمد الطيب، نجم الزمالك السابق أحمد حسام “ميدو”، بعد تصريحات الأخير الهجومية ضد أحمد حسن “كوكا” لاعب كونيا سبور التركي، بعد استبعاده من قائمة منتخب مصر في كأس أمم إفريقيا.
وكتب “الطيب” عبر حسابه الرسمي على موقع التواصل الاجتماعي “فيسبوك”: “أنا زعلان من ( ميدو ) جداً – لإنه هو نفسه مش عارف قدره و عظمة التاريخ الجميل اللى صنعه و رصيد الحب اللى له ليس فى مصر فقط ولكن فى الوطن العربى – و اد ايه هو قدوة و رمز لكتير من اللاعبين فى مصر وخارجها”.
وأضاف: “يا ميدو ما ينفعش تنتقد لاعب ( كوكا ) بهذا الشكل و الاسلوب مهما كانت الأسباب – خسارة يا ميدو تخسر حب و اقتناع ناس بتحبك و انت بالنسبة لهم قدوة و رمز جميل، لو لك تحفّظ أو وجهة نظر ممكن تكلمه تليفونيّاً او تتواصل معاه و تقوله اللى عايز تقوله”.
وأتم: “أنت قيمة كبيرة بنسعد بيها خسارة تخسر حب انت تعبت فى انك توجده — ( كوكا ) اخ اصغر لك. و ( نحت ) فى الصخر و يحتاج لمن يشجعه و يشكره و يدفعه للامام كمان و كمان دلوقتى تقدر تكلمه و تقوله وجهة نظرك و كلنا قبل كوكا ها يزداد حبنا و تقديرنا لك”.
