فيريرا يهاجم رابطة الأندية ويعلق على نحس استاد القاهرة

انتقد البرتغالي مانويل جيسوالدو فيريرا المدير الفني للفريق الأول لكرة القدم بنادي الزمالك رابطة الأندية المصرية بسبب جدول الدوري، وذلك بعد تعادل الأبيض مع فاركو في الدوري المصري.

وقال فيريرا في المؤتمر الصحفي: ” لا أعرف المعايير اللي اتحط على أساسها توقيت المباريات، نحاول التأقلم على الوضع وخلال الفترة دي جزء من اللاعيبة بيعمل استشفاء، والمفروض أننا نحسن الأداء من خلال التدريب ولكن ضغط المباريات مش بيخلينا نقدر نعمل ده”.

وأوضح: “لعبنا 3 مباريات في أسبوع مش سهل و اتكلمت في الموضوع ده قبل كده خاصة إننا لعبنا قدام فرق بتقفل الملعب وده بيطلب منا مجهود أكبر بكتير، خلقنا فرص تهديفية”.

وواصل: “على مدار ثلاث مباريات في ستاد القاهرة لم نحرز أي أهداف ده ملخص المباراة، وأكيد مش هغير الملعب المفروض إننا نحرز أهداف”.

وأشار: “معنديش حاجة أقولها عن اللاعبين عملوا اللي عليهم وتأقلموا عليها كنا بنضغط كويس بس ضغط المباريات صعب”.

وأتم: “عندنا ماتش في اسكندرية وبعده بـ ٩ أيام ماتش تاني وبعده بـ ٣ أيام ماتش مش عارف ده ازاي”.