شوبير يوضح حقيقة قرار الاهلي ببيع حسين الشحات
كشف الإعلامي أحمد شوبير نجم الكرة المصرية السابق الأنباء المتداولة بخصوص عرض النادي الاهلي حسين الشحات جناج الفريق للبيع في الصيف الحالي.
وجاءت تلك التقارير التي تزعم قرار الاهلي بشأن حسين الشحات نتيجة خلفية أزمته مع محمد الشيبي لاعب بيراميدز أثناء المباراة التي أقيمت بين الطرفين في الدوري المصري.
وقال شوبير في تصريحات متلفزة ” الأهلي يبيع حسين الشحات اللي لسه مجدد ليه من أيام قليلة.. ازاي؟ إذا كنا هنجري ورا الكلام ده يبقى مش هنخلص”.
اقرأ أيضًا : إعلامي يكشف خطة بيراميدز لتوريط الاهلي والشحات في أزمة
وأضاف ” مش أي حد هيقول كلمتين هنمشي وراه، شوف الصح بتاعك وبتاع ناديك واعمله، وبحذر إدارات الأندية وبوجه كلامي للإدارات إدارة الأهلي واعية جدًا”.
وشدد ” كل واحد فينا بيطلع كمذيع وراه أهواء وله ميول، وطبيعي أو غصب عنه هيميل لده، ومش هنبقى كل شوية تحت رحمة واحد يكتب على السوشيال ميديا وهو اللي هيمشيني وفي ناس بتحاول إخفاء ميولها”.
وأوضح” الصح هو إنك تاخذ اللي يناسبك، وتسيب الباقي وبالمناسبة حسين الشحات أخطأ خطأ جسيم، وإدارة النادي الأهلي وقعت عليه عقوبة مالية كبيرة، ولجنة المسابقات عاقبته ماليا ووقفته”.
وأنهى” الشحات اعتذر للشيبي في الملعب، الأهلي عارف مبادئه وهو عارف هيمشي ازاي”.
