حسام حسن يهاجم حكم مباراة الأهلي والمصري ويوجه رسالة لرئيس الوزراء

كشف حسام حسن مدرب فريق المصري البورسعيدي عن تلقيه تهديد من مساعد حكم مباراة فريقه ضد الأهلي، موجها رسالة إلى رئيس مجلس الوزراء الدكتور مصطفى مدبولي عقب المباراة.

وقال حسام حسن في المؤتمر الصحفي عقب نهاية المباراة: “مبروك للأهلي الأهلي ليس طرفًا، ولكن (فيه ناس عايزة تبوظ شغل الناس اللي بتتعب.. أنا مش عايز منتخب ومش عايز حاجة)”.

وأضاف:” أنا تم تهديدي على خط الملعب، أنا عاوز حقي.. في الشارع دا تهديد ويستدعي محضر، لكن في الملعب مين يجيب لي حقي”.

وأضاف: “خدمت الكرة المصرية وأنا مش واخد حقي في أي حاجة، وبكلم رئيس الوزراء لأن اتحاد الكرة أو الوزير مش هيجيب لي حقي”.

وتابع:” الحكم عمل كل اللي هو عايزه حسب علينا ضربة جزاء ولغى الهدف بتاعنا ومساعد الحكم اتكلم معي بأسلوب غير لائق وقال لي انا هخليك تشطب كورة”.

وأكمل:”ابقوا قابلوني لو اخدت حقي من مساعد الحكم”.

وتغلب الأهلي على المصري بهدفين للاشيء في المباراة التي جمعت بين الفريقين مساء الأربعاء على أرض ملعب استاد برج العرب بالأسكندرية.