تركي آل الشيخ يهين مجلس إدارة الأهلي بسبب السعيد

تهكم تركي آل الشيخ رئيس الاتحاد العربي لكرة القدم ومالك نادي بيراميدز المصري، على النادي الأهلي خلال مواقع التواصل الاجتماعي فيس بوك، بسبب لاعب فريق الأهرامات عبد الله السعيد.

وقال آل الشيخ عبر حسابه الشخصي فيس بوك: “هاحكيلكو حدوتة صغيرة…. نجم فريق كرة قدم كان سعيد وبيسعد جمهور فريقه، انتهى عقده وطلب 10 جنيه راتب علشان يجدد لإن ده آخر عقد له”.

وواصل: “هو لاعب دولي كبير وعاوز يأمن مستقبله .. يتقال له لا؟، لإن عندنا سقف للرواتب فيروح يدور على مستقبله فيقولوله بمساعدة صديق (مش أنا)، ارجع إحنا موافقين ويطلعوه بعد ما مضى بساعات ويقولوا له رجعنا بكلامنا”.

وأردف آل الشيخ: “ويروح وتلف الدنيا وبعدها بشهور يروحو جايبين لاعب مش في المنتخب ويدوله راتب 15 جنيه، ولاعب ثاني برضو مش في المنتخب وله سنة على الدكة ويدوله في 6 شهور 20 جنيه، يبقى دي مش إدارة أو سيستم، ده بيزرعوا فجل،(طبعا أنا بقصد واحد).

واختتم آل الشيخ: “وتلف الدنيا ويرجع اللاعب اللي كان بيسعد جمهوره ويهزمهم مرتين … ربنا كبير…. أه افتكرت كان خايف أني أخد منه اللقطة…. سبت ليك اللقطة بس طلعت بدون ألوان….. وعجبي”.

يذكر أن عبد الله السعيد انضم لنادي بيراميدز في انتقالات يناير واحرز هدفًا في المباراة الأولى له مع بيراميدز ضد فريقه القديم، وشارك في اللقاء الثاني الذي خسر فيه الأهلي أيضًا.

P