فيديو.. رامز جلال لـ رمضان صبحي: أهلاً بيك يا بتاع الطموح

ظهر اللاعب رمضان صبحي لاعب الفريق الأول لكرة القدم بنادي بيراميدز، ولاعب الأهلي السابق، كضيف في الحلقة الثانية من برنامج المقالب “رامز عقله طار”، الذي يقدمه الفنان رامز جلال على فضائية “إم بي سي مصر”، خلال شهر رمضان.

وبدأ رامز حديثه عن اللاعب رمضان صبحي، قائلًا: “يا خسارة متعلمش من إخلاص وليد سليمان، جايبه ياخد بطارنا أيقونة الطموح اللي بيحركه اللحوح”.

وتابع رامز جلال: “أهلا بيك يا بتاع الطموح الشتيمة والكلام مش مسموح، أخص عليك ياللي سبتنا وسمعت كلام ممدوح، الأهلي عمره ما وقف على حد وشعاره سكة اللي يروح، وعشان أفرح جمهور التتش لازم تروح مبطوح”.

وأضاف: “أنزل بطموحك ايه ياله التيشيرت دا تيشيرت ولا مريلة مطبخ، وايه النضارة دي شاريها من عند حداد ولا واخدها من الاستاذ سمير غانم، استايل معفن أوي شفت اللي بيسيب الأهلي بيحصله ايه”.

وكان رمضان صبحي انتقل إلى صفوف فريق بيراميدز مطلع الموسم الجاري، بعد انتهاء فترة إعارته مع النادي الأهلي، قبل أن يقوم بيراميدز بشراء عقد اللاعب من فريقه هدرسفيلد الإنجليزي.