حارس الجيش يوضح حقيقة الهتاف للزمالك في غرفة الملابس

أوضح محمد بسام  حارس مرمى نادي طلائع الجيش حقيقة الهتاف للزمالك في غرفة ملابس الفريق بعد التعادل سلبيًا مع النادي الأهلي في المباراة التي جرت بينهما مساء الثلاثاء، ضمن منافسات الجولة الـ31 من بطولة الدوري الممتاز.

وقال بسام في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد “انا اخر واحد خرج من الأوضة”.

وتابع “محصلش ان حد كلم شيكابالا ولا حاجة، والله ما فارق معانا مين يكسب، دي اخر مباراة يعتبر الناس هتتفرج علينا، وكنا عاوزين نعمل الي علينا”.

وأضاف “محصلش والله ان اتقال زمالك في الأوضة او حد كلم حد من لعيبة الزمالك”.

وعن الهدف الغير محتسب للأهلي قال : “ملحقتش اشوف اللعبة والله لأني كنت راجع بضهري، ولما شوفتها بعد المباراة تأكدت أن لازم نطبق تقنية خط المرمى”.

وواصل: “في كورة اتحسبت عليا زي دي بالظبط ومكانتش هدف والمرة دي متحسبتش، احنا من بعد مباراة المحلة وطلائع الجيش مبقاش حد يحسب الكورة دي غير لما يبقى متأكد 100%”.

واختتم بسام تصريحاته “لو الكورة 100% جول كانت هتتحسب أكيد”.