رسالة نارية من سيد عبد الحفيظ ضد الحكام ومدحت شلبي

شن سيد عبد الحفيظ مدير الكرة بالنادي الأهلي هجومًا شرسًا على الحكام بعد اقتراب الأهلي من خسارة لقب الدوري المصري الممتاز لكرة القدم، بعد اتساع الفارق بينه وبين غريمه التقليدي الزمالك متصدر جدول الترتيب إلى 4 نقاط.

وقال عبد الحفيظ في تصريحات صحفية عقب فوز الأهلي على المصري: “لو الدوري راح للزمالك مبروك، ممكن يكونوا تعبوا أكثر منا واهتموا بالدوري أكثر منا، اضغطنا بشكل مقصود من واحد مش عارف حاجة، حتى لو البطولة راحت احنا نحسن من نفسنا ومنثقش في أي حد، واللي حصل في الدوري عمره ما هيحصل في الكأس معانا أحنا فاهمين كل حاجة”.

وأضاف: “‏محمد الحنفي محسبلناش ضربة جزاء واضحة لآجاي في ماتش الإسماعيلي والعكس انهاردة، وطارق مجدي هو اللي محسبلناش ضربة جزاء بيراميدز في الدور الأول، أحنا معندناش ثقة في محمود بسيوني ولا محمود عاشور والصباحي يحكملي الفار 6 مرات ب6 قرارات غلط”.

وأكمل: “‏محمود البنا حكم في حته تانية بقى عامل زي فيكتور جوميز كده، طارق مجدي لغى لينا جونين في ماتش بيراميدز، ماتش المقاولون والزمالك هو اللي حسب ضربة جزاء كارثة، أما محمود بسيوني ده حدوته تانية”.

وواصل: “‏عندنا 3 بطولات في الشهر اللي جاي، كأس مصر والسوبر المصري والسوبر الأفريقي، محدش يضحك علينا لأننا فاهمين لوائح كويس قوي وعارفين الفترة الدولية، مش هندفع فاتورة حد”.

وتابع: “‏ولا هيحصل أنك تحطلي ماتشات الكأس كل 48 ساعة زي الدوري”.

وأتم: “‏أما بقى اللي سمحوا لنفسهم يشتمونا من إعلاميين فدورهم جاي بس ناخد نفسنا”.