ميدو يرد على سخرية شيكابالا منه “فيديو”

علق الإعلامي أحمد حسام ميدو، مقدم برنامج “أوضة اللبس”، على محمود عبدالرازق شيكابالا قائد فريق الزمالك بعدما نشر الأخير تغريدة سخر فيها من “العالمي” بعد انتقاده له بسبب طريقة احتفاله بلقب الدوري وإساءته للنادي الأهلي.

وقال ميدو في تصريحات مصورة عبر حسابه بموقع التواصل الاجتماعي “تويتر”: “عمري ما هرد على الكلام اللي قاله شيكابالا، عمري في حياتي حد دخل بيتي أو أنا دخلت بيته وأكلت معاه عيش وملح وهو زي أخويا الصغير وهرد عليه وهنضحك الناس علينا، أسهل حاجة إني أرد وأضحك الناس علينا”.

وأضاف: “أنا كنت بنتقد تصرف عام بقول مينفعش نعمل كدة، وإحنا كسبانين وبقول إننا كنا صغيرين ودلوقتي كبرنا ومفيش مثالية، ولكن ده جزء من شغلنا لأننا بنوصل رسالة للاعبين الصغيرين”.

وتابع: “أنا عمري ما هرد عليه هو أخويا الصغير وما زال أخويا الصغير، أسهل حاجة في الدنيا إننا نطلع نردح لبعض ونرد على بعض ولكن الأصل بتقول إن مينفعش نضحك الناس علينا”.

وكان ميدو انتقد طريقة احتفال شيكابالا ولاعبي الزمالك بلقب الدوري واساءتهم للأهلي وجماهيره عقب التتويج باللقب المحلي ورد عليه قائد ازمالك بتغريدة مثيرة عبر “تويتر” قال فيها: “شكلنا هنشوف صورة تاني في الجونة”، واعتبر “العالمي” أنه المقصود بهذه التغريدة