بيج رامي يخرج عن صمته ويرد على منتقديه

خرج البطل المصري بيج رامي عن صمته و رد على الانتقادات التي تعرض لها في الفترة الأخيرة بعد إعلان زواجه الثاني، خلال الأيام الماضية.

ونشر بيج رامي مقطع فيديو عبر حسابه الرسمي على موقع التواصل الاجتماعي “فيسبوك”: “جمعة طيبة على الكل ويومكم سعيد، نصيحة صغيرة اسمحولي أني أكون في الموضع ده مع أني عارف أني مش من أهل النصيحة لكن أقبلوا مني، يقول رسول الله صلى الله عليه وسلم، من حسن إسلام المرء تركه ما لا يعنيه”.

وأضاف :”مفيش حد يعرف ظروف حد ولا حد يقدر يحكم على حد ربنا مخلقناش نحاسب بعض على أي حاجة، كل واحد بيتصرف وربنا بيحاسبنا في الآخر إن كان في غلط أو مفيش غلط”.

وتابع: “مش معنى كده إننا معفيين أو مش أصحاب أخطاء في حياتنا بالعكس، أحنا بنغلط وبنعمل حاجات صح في حياتنا، وربنا إن شاء الله هو اللي بيحاسب”.

وأتم: “الحمد لله أنه معطاش الناس فرصة تحاسب بعضها وإلا مكناش خرجنا من بيوتنا، والكلام مهواش موجه لأي موضوع لكن حبيت أقوله علشان الناس شاغله نفسها بحاجات متعرفش عنها حاجة”.