كنت بزعل من نفسي.. خالد الغندور يعتذر لنجم الأهلي (طالع التفاصيل)

قدم الإعلامي خالد الغندور نجم الزمالك ومنتخب مصر الأسبق اعتذار إلى وليد سليمان صانع ألعاب الفريق الأول لكرة القدم بالنادي الأهلي، بعدما كان يصفه باللاعب المؤذي الذي يتسبب في إصابة لاعبي الفرق المنافسة.

وقال الغندور: “‏بعتذر لوليد سليمان على الكلام اللي قولته عليه الفترة اللي فاتت، من كتر الكلام على طارق حامد بأنه لاعب مؤذي كنت بدخل وليد سليمان في جملة مفيدة، كنت ببقى متضايق من نفسي وأنا بقول كده”.

وأوضح: “‏كنت بعمل كده عشان إعلام الأهلي، وكمان لما عدلي القيعي كان بيحاول يقلل من لاعيبة الزمالك، لما طارق حامد كان مرشح لجائزة أفضل لاعب داخل أفريقيا كان إعلامهم بيقول عليه لاعب مؤذي بدل ما يدعموه كلاعب مصري”.

على جانب آخر أكد ‏وليد سليمان أن أمنية حياته هو الإعتزال داخل النادي الأهلي، مؤكدًا أنه لو النادي طلب منه أن يكمل مسيرته كلاعب، فإنه سيكمل، ولو رفضوا هيبقى الحمد لله على كل شيء بس مش هلعب لأي نادي تاني بعد الأهلي مع احترامي لكل الفرق”.