رمضان صبحي يوجه رسالة نارية لإكرامي حول انتقاله للزمالك

وجه رمضان صبحي نجم فريق بيراميدز رسالة نارية إلى إكرامي الشحات والد زوجته، بعد تصريحاته بإنه لن يسمح لرمضان صبحي بالانضمام للزمالك في حال رغبة القلعة البيضاء في ضمه خلال الفترة المقبلة.

وتحدث رمضان في تصريحات متلفزة عبر قناة «أم بي سي»: “كلام كابتن إكرامي بخصوص انتقالي للزمالك ده أمر يخصني أنا واعتقد الكابتن إكرامي مش هيكون لي دخل في كده، أنا باخد القرارات صح من صغري وعارف هعمل ايه”.

كما وجه رمضان صبحي نجم الأهلي السابق ولاعب بيراميدز الحالي صدمة لجماهير القلعة الحمراء بشأن ميوله في مباريات القمة بين الأهلي والزمالك.

وأجاب صبحي على سؤال يخص ميوله الكروية وبالأخص في مباراة القمة بين الأهلي والزمالك، خلال استضافته في قناة أم بي مصر.

وأكد نجم بيراميدز في تصريحات متلفزة: “لن أشجع أحدًا منهما، أنا لاعب في بيراميدز، ربما أتمنى النتيجة التي تساعد بيراميدز وقتها”.

وأوضح: “في أفريقيا أشجع الأهلي والزمالك، ولكن في مباراة القمة لا أميل لأحد”.

وأردف: “تربيت داخل النادي الأهلي وأهلاوي منذ الصغر ولكن أنا الآن محترف في صفوف بيراميدز”.

وشدد: “مبسوط جدًا في بيراميدز ومش متضايق خالص.. عايز أعمل حاجة كويسة معاهم ومحصلش إني كنت عايز أرجع الأهلي”.

وواصل: “روحت بيراميدز مش علشان الفلوس، روحت عشان مشروع شوفتهم عايزين يعملوه حاجة”.

وتابع: “‏رمضان صبحي : قالوا بعت تاريخي في الأهلي؟ أنا لسه معملتش أصلاً حاجة”.

واستكمل: “أنا محتاج الزمالك؟ معرفش هما بيقولوا كده ليه؟ محدش كلمني من الزمالك، يمكن بيقولوا كده عشان في مشاكل مع الأهلي”.

وأختتم: “بيقولوا أنا زملكاوي؟ أنا أهلاوي ووالدي أهلاوي وهو اللي حببني في الأهلي”.