عدلي القيعي يفتح النار على مجدي عبد الغني بعد هجومه ضد الخطيب

شن المهندس عدلي القيعي مدير لجنة التعاقدات السابق بالنادي الأهلي، هجومًا ناريًا على مجدي عبد الغني لاعب الأهلي الأسبق، بعد هجومه على مجلس إدارة النادي الأحمر برئاسة محمود الخطيب.

وكتب القيعي عبر حسابه الشخصي في موقع التواصل الاجتماعي والتغريدات القصيرة «تويتر»: “‏إلى من يزعم أنه أبن النادي البار عمرك ماهيكون ليك دور في الأهلي والجمهور مابينساش وقت الأزمة ظهر الكل على حقيقته وأنت لا ضحيت ولا حاجة لعبت وقبضت هتقولي مكانش في فلوس هقولك لولا الأهلي مكنتش هتبقى إعلامي ولا عضو اتحاد كورة كل ده من خير الأهلي عليك”.

وأضاف: “‏وسرقة تيشرتات ‎المنتخب لتمويل المول بتاعه وفتح إتحاد الكرة يوم الجمعة علشان يسجل لاعب هيلعب ضد ‎الأهلي وزور عقد لاعب علشان يدمر مستقبله وكل ده وهو في اتحاد الكورة وفي عهد كابتن ‎الخطيب إن لم تستحي فأفعل ما شئت.. وعلى رأي المثل العين بتكره اللي أحسن منها”.

وأختتم: “‏وضح قبل سابق كابتن محمود؛ الخطيب إن ‎الأهلي ليس بسليط اللسان ولا سباب ولا بذئ وأنت تطلع تقول التاريخ مش هيرحم إن أولاد النادي الأهلي بيتشتموا في عهد كابتن الخطيب.. عجايب”.