خوفًا من مرتضى.. سر تراجع الأهلي عن موقفه وقيد كهربا في قائمته
كشف الإعلامي هاني حتحوت، عن السر وراء تراجع مسؤولو النادي الأهلي عن موقفه بشأن قيد محمود عبد المنعم كهربا والمساهمة في العقوبة الموقعة عليه لصالح نادي الزمالك.
وقال حتحوت في تصريحات متلفزة: “كهربا كان تعرض لعقوبة بسبب هروبه من الزمالك مقدرة باتنين مليون دولار بشوية بالإضافة للايقاف لحين الدفع”.
وأكد: “كهربا سيستمر في الأهلي بسبب الحاجة الفنية ليه بطلب من الجهاز الفني”.
وواصل: “الخطيب اجتمع مع لجنة التخطيط وسيد عبد الحفيظ وكان الاجتماع عن هنعمل ايه في قضية كهربا، اللجنة المكونة من سيد عبد الحفيظ وحسام غالي اجتمعت بكهربا، وقالوله ها قصتك ايه قالهم الزمالك رافض التقسيط ومتمسكين بالدفع كامل”.
وتابع: “اللجنة قالوله لو هندفع فلوس يبقى ده غلط علينا من الناحية القانونية، ولكن باعتبارك ابن من ابناءنا، لو جالك أي عروض بيع أو إعارة هنمشيك فري، وعقدك هتاخده كامل ومش هناخد منك جنيه”.
وأكمل: “ظهر بعدها كهربا على إنستجرام بنوعية اللي باعنا ويارتنا ما عملنا كذا وأغاني لاصالة والحاجات دي، الكلام ده جه بالتزامن مع تصريحات مرتضى منصور بأن لو كهربا قال مين حرضه هيسهل مسأله دفع الغرامة”.
وأختتم: “الاهلي قال ايه الصداع ده وقرر يجتمع مع كهربا تاني وقرروا أن الأهلي هيشارك بنسبة من فلوس الغرامة وهتبقى موجودة في عقده الجديد وهتتسحب من عقده كخصم مع تمديد التعاقد مع اللاعب لمده موسمين زيادة”.
إنستجرام كهربا السبب.. ماذا دار بين كهربا ومسؤولين الأهلي في الغرف المغلقة «هتاخد مستحقاتك ولو في عرض هتمشي ببلاش.. احنا مش مسؤولين عن أزمتك»#صدى_البلد #الماتش@HHathout pic.twitter.com/ojjynb8Xjw
— صدى البلد (@baladtv) September 17, 2022
