أمير مرتضى يعلق على أزمة الجزيري ويكشف مصير الصفقات الجديدة

كشف أمير مرتضى منصور، المشرف العام على فريق الكرة بنادي الزمالك، تطورات أزمة سيف الدين الجزيري مهاجم الفربق والتي تم الحديث عنها خلال الساعات الماضية، وكذلك تحدث عن الصفقات الجديدة.

وقال أمير في تصريحات متلفزة: “مفيش أزمة لسيف الجزيزى هو كان إعارة والزمالك لما اتوقف القيد بتاعه فعل بند الشراء، وده مش موضوع نتكلم فيه”.

وأضاف: “أنا بطمن الجمهور مفيش أي حاجة ودي كلها حقوق رعاية بين نادي المقاولون، وكل اللي جه من الفيفا إن النادي عايز حق الرعاية ومدينا مهلة شهر نترجم العقد اللي ما بين النادي”.

وواصل: “المراكز اللي المدرب طلبها تمت بنسبة 100% وفي كمان صفقتين رفاهية كده زيادة تحسبًا لو في اصابات أو حاجة عشان لو اللعيبة الأجانب راحو المنتخب يكون عندنا بديل”.

وأردف: “ماتش يوم 25 مكناش عاملين حسابنا عليه خالص عشان في توقف دولي بس بشكر اتحاد الكرة بالأهلاوية لأن كان كله واقف جنب الزمالك”.

وتابع: “اللعيبة لحد دلوقتي مخدتش أجازات، هنحاول على قد ما نقدر نحافظ علي اللعيبة لحد ما الدور الـ٣٢ ما يبدأ والدوري”.

وأكمل: “كان الوضع صعب على الدكة بس لاعبينا رجالة واتعودنا على الظروف الصعبة من السنة اللي فاتت وقدرت تعديها وأخدت دوري وكأس”.

واستطرد: “نادي الزمالك الوحيد اللي مخدش فترة راحة دخلنا في كأس لوسيل على طول”.

وأختتم: “لاعب بيلعب شوط مع المنتخب ويجي يلعب معانا ماتش”.