رسالة نارية من زوجة محمود علاء بعد طرده في مباراة الاتحاد والداخلية

وجهت زوجة محمود علاء مدافع الزمالك السابق والمُعار لنادي الاتحاد السكندري، رسالة نارية إلى منتقدي زوجها عقب طرده خلال مباراة الاتحاد السكندري ضد الداخلية التي جمعتهما مساء اليوم، ضمن لقاءات الأسبوع الثاني من بطولة الدوري المصري الممتاز.

وتعرض محمود علاء للطرد خلال مواجهة فريقه الاتحاد السكندري، أمام نظيره الداخلية، في الدقيقة 84، بعد دخوله في مشادة مع حكم اللقاء.

وكتبت زوجة محمود علاء عبر حسابها في موقع التواصل الاجتماعي وتداول الصور والفيديوهات القصيرة «إنستجرام»: “الناس المحترمة اللي بسبب ومن غير سبب عمالة تتريق على محمود ياريت كفاية قلة أدب بقى كفاية قرف بقى أنتوا بشر معدوم الضمير والرحمة”.

وأضافت: “أنتوا الحيوانات عندها رحمة أكتر منكوا أقسم بالله عمالين بكل الطرق تضغطوا على محمود كفاية تنمر كفاية قلة أدب كفاية بقى كدة بجد بقالكو سنتين عمالين تهدوا فيه تقريبًا الغل خلاكو تنسوا أنه إنسان بیحس عشان أنتوا الاحساس اتعدم من عندكو”.

وواصلت: “كفاية بقى بجد كل واحد مدي لنفسه الحق في التنمر وقلة الأدب والتريقة بسبب ومن غير سبب والراجل في حاله لا بيرد على حد ولا بيغلط في حد تسكتوا أنتوا لا أبدًا أقسم بالله لنفضل وراه لحد ما يتدمر نفسيًا أكتر وأكتر”.

وتساءلت: “هو أنتوا ازاي كدة بجد هو أنتوا مش بتخافوا ربنا خلاص الغل والسواد عمى قلوبكو بقى كل همكو التنمر وقلة الأدب وبس أعوذ بالله من شر النفوس وشر سواد القلوب أعوذ بالله ياربي”.