ميدو يشيد بموقف الزمالك تجاه أزمة الرجاء.. ويطلب تأجيل لقاء الأهلي والوداد
أشاد أحمد حسام “ميدو” نجم الكرة المصرية السابق، بموقف الزمالك تجاه أزمة نادي الرجاء المغربي وترحيب إدارة القلعة البيضاء بتأجيل مباراة الفريقين في إياب نصف نهائي دوري أبطال إفريقيا بسبب ارتفاع إصابات كورونا في صفوف الفريق المغربي، ولكن اشترط تأجيل مباراة الأهلي والوداد ايضاً لتطبيق العدالة على جميع الفرق.
وكتب “ميدو” عبر حسابه الرسمي على موقع “تويتر”: “تحية للزمالك على عدم ممانعته على تأجيل اللقاء..الناحية الإنسانية أهم من أي بطولة وهي دي أخلاقنا ولازم نفخر بيها..ولو كانت الإصابات عندنا إحنا كنا هنتمنى إن المنافس يكون عنده نفس أخلاقنا..نعمل اللي إحنا شايفينه صح وعدل وفي النهاية النتيجة بتاعت ربنا..وأنا متأكد لو عملنا كده هنكسب”.
وأضاف: “لازم الاتحاد الإفريقي يؤجل ماتش الأهلي والوداد علشان يبقى في فرص متكافئة في النهائي فيما يخص إعطاء عدد أيام متساوية للاستشفاء لطرفين النهائي..لو القرار كده يبقى ١٠٠ ١٠٠ لو الاتحاد الإفريقي أصر على لعب مباراة الأهلي والوداد في ميعاده يبقى الزمالك لازم يقول لأ!!”.
وتابع تصريحاته: “لازم الزمالك يوافق على التأجيل لأن دي أخلاقنا وعلاقتنا بأخواتنا المغاربة أهم من أي شيء ولكن يجب ان يشترط تأجيل مباراة الأهلي والوداد لتطبيق العدالة على جميع الفرق”.
ولم تلقى تصريحات “ميدو” قبول أحمد عيد عبد الملك نجم الزمالك السابق والذي رد عليه قائلاً: “تطبيق العدالة لعب الزمالك في نفس الميعاد غير كده مفيش عدالة هناك بلد بحالها وقفت مع الرجاء وزارة صحة وداخلية ولو قلبنا الموقف محدش هيقف معانا”.
وأتم: “ده بروتوكول اتحاد إفريقي والطبيعي يطبق على الكل ولو هو انتصار يحسب لإدارة الرجاء بس على حسابنا علشان هما جامدين جوه الاتحاد الإفريقي”.
تحية للزمالك على عدم ممانعته على تأجيل اللقاء..الناحية الانسانية اهم من اي بطولة وهي دي اخلاقنا ولازم نفخر بيها..ولو كانت الاصابات عندنا احنا كنا هنتمنى ان المنافس يكون عنده نفس اخلاقنا..نعمل اللي احنا شايفينه صح وعدل وفي النهاية النتيجه بتاعة ربنا..وانا متاكد لو عملنا كده هنكسب.
— Mido (@midoahm) October 21, 2020
لازم الاتحاد الافريقي يأجل ماتش الاهلي والوداد علشان يبقى في فرص متكافئة في النهائي فيما يخص اعطاء عدد ايام متساوية للاستشفاء لطرفين النهائي..لو القرار كده يبقى ١٠٠ ١٠٠ لو الاتحاد الافريقي اصر على لعب مباراة الاهلي والوداد في ميعاده يبقى الزمالك لازم يقول لأ!!
— Mido (@midoahm) October 21, 2020
لازم الزمالك يوافق على التأجيل لأن دي اخلاقنا وعلاقتنا باخواتنا المغاربه اهم من اي شيء ولكن يجب ان يشترط تأجيل مباراة الاهلي والوداد لتطبيق العدالة على جميع الفرق..
— Mido (@midoahm) October 21, 2020
