بيراميدز يقدم أحمد فتحي في مؤتمر صحفي.. ورسالة أخيرة من اللاعب للجماهير

يقدم مسئولو نادي بيراميدز لاعبه الجديد أحمد فتحي المنضم حديثا لصفوف فريقه لأول لكرة القدم، في مؤتمر صحفي غدًا الإثنين.

ويقام المؤتمر الصحفي غدا في قاعة المؤتمرات المتواجدة في استاد الدفاع، في تمام الساعة الرابعة عصرًا، بحضور ممدوح عيد الرئيس التنفيذي لنادي بيراميدز وهاني سعيد المدير الرياضي بالنادي السماوي، بالإضافة إلى عمرو بسيوني مدير التعاقدات.

ووجه أحمد فتحي رسالة إلى جماهير النادي الأهلي، عبر حسابه الشخصي على موقع التواصل الاجتماعي فيسبوك، وكتب، ” لحظات يصعب فيها الكلام .. لحظات يصعب فيها التعبير . خاصة وأنت بتخاطب أطراف كلها عزيزة عليك . ولها مكانة خاصة فى قلبك . وكمان عشت معاهم أحلى 12 سنة فى حياتى .. 12 سنة كلها إنتصارات وبطولات وأفراح”.

وتابع، “وعايز أقول لو عقود الأحتراف المكتوبه بتنتهى .. عقود الحب والود والأحترام بينى وبين كل منظومة النادى الأهلى لن تنتهى .. أعذرونى لحظات قاسية . وأى قسوة وانت تغادر حبايبك اللى قضيت معاهم سنين فى النادي الأهلى .. بيتى . وهيفضل بيتى . حتى لو كان القدر كتب لى خطوة جديدة . وهيفضل جمهور الاهلي اللى حبنى وساعدني ووقف جنبى . هيفضل سندى .. لأنه جمهور وفى .. جمهور أصيل”.

وواصل نجم المنتخب المصري، “ربنا يشهد اني لم أقصر لحظه لا فى حق النادى .. ولا حق جمهوره .. وبذلت أقصي ما أملك حتى آخر لحظه . وأتمنى أكون قدمت ولو جزء من اللى يستحقه الأهلى وجمهوره”.

فيما تقدم بالشكر لإدارة النادي الأهلي والعاملين بالنادي واللاعبين، قائلا، “في هذه اللحظه الصعبه على نفسى . عايز اسجل شكرى للنادي الأهلي وإدارته وعلي رأسها المحترم الكابتن محمود الخطيب .. وكل الشكر للجماهير اللى مهما تكلمت مش هقدر أعطيها حقها .. شكرا لكل المدربين اللى ساعدوني من أول يوم . وحتي أخر لحظه .. والشكر لكل زمايلي اللعيبه . اللى أنا لعبت معاهم على مدار كل الأجيال .. شكرا لاخواتي الأطباء ومساعدينهم أخصائيين التأهيل والمدلكين .. شكرا للاداريين والعمال .. شكرا لكل فرد ساعدنى ولو بأى حاجه .. أنا مش عايز حد يزعل منى .. فى الأول والآخر دى خطوات كتبها ربنا سبحانه وتعالى .. وأنا متوكل على الله فى كل خطواتي .. ودايمآ هيفضل الأهلي وجمهوره فى قلبى”.

جدير بالذكر أن أحمد فتحي رفض تجديد عقده مع النادي الأهلي لينتقل إلى صفوف نادي بيراميدز ضمن انتقالات الصيف الحالية، في صفقة انتقال حر.

ويستعد النادي الأهلي لخوض مباراة نهائي دوري أبطال إفريقيا، أمام الزمالك، يوم السابع والعشرين من شهر نوفمبر الجاري على أرضية ملعب برج العرب بالإسكندرية.