بعد خسارة اللقب الإفريقي.. عمرو زكي للزمالك: “اتعلموا من ليفربول”

وجه عمرو زكي مهاجم الزمالك ومنتخب مصر السابق، رسالة إلى لاعبي وإدارة القلعة البيضاء، بعد خسارة لقب بطولة دوري أبطال إفريقيا أمام الأهلي.

وكتب “البلدوزر” عبر حسابه الرسمي على موقع “تويتر”: “هام لإدارة ولاعبي الزمالك، نتعلم من ليفربول.. خسر نهائي الشامبيونزليج من ريال مدريد بعد موسم أسطوري وكان الأفضل ولكن لم ينصفه الحظ ولكنه عاد في الموسم اللي بعده بعد الحفاظ على قوام الفريق وحقق البطولة… طول ما وراكم جمهور عظيم زي جمهور الزمالك…لا تفقدوا الأمل ابداً”.

وأضاف: “أوعوا تخلوا الإعلام يهمد فيكوا والفرقة دي تتفك.. مش محتاجين غير صفقات محدودة في مراكز معينة والصفقات الأهم هي الحفاظ على قوام الفريق الحالي، الزمالك”.

وأكمل حديثه: “سؤال أخير بعد إذن حضراتكم. حد يفهمني كمية جماهير الأهلي اللي دخلت تشجع في الإستاد دي بما فيهم بعض الفنانين دخلت إزاي؟ وبناءا على ايه؟!.. ولا هنا مفيش بروتوكول وإجراءات احترازية وغيره… انا لحد دلوقتي مش لاقي تفسير للمشهد ده؟”.