مدافع الحرس يوضح سبب إشارته المسيئة لجماهير الاهلي.. ويوجه اتهامًا لـ كهربا

أوضح إبراهيم القاضي، مدافع حرس الحدود سبب إشارته المسيئة لجماهير النادي الاهلي، خلال مباراة الفريقين أمس في بطولة الدوري المصري.

وكان إبراهيم القاضي دخل في مشادة مع محمود كهربا مما دفع الجماهير الحمراء للهجوم ضده، ليرد اللاعب على هتافات الجماهير بالإشارة إلى حذائه.

وكتب إبراهيم القاضي، عبر صفحته الرسمية على موقع التواصل الاجتماعي “فيس بوك”: “السلام عليكم حابب أوضح حاجة بخصوص ماتش الاهلي واللي حصل فيه ياريت أي حد يعرفني أو صديق ليا مينزلش صور ليا ويعلق تعليق مستفز لحد تاني”.

اقرأ أيضًا – الاهلي يترقب.. زيزو يقترب من مغادرة الزمالك

وأضاف: “يا شباب أنا اتشتمت باهلي وبوالدتي ورد فعلي لا إرادي يعني أنا لا بتاع شو ولا تريند ولا ليا في الجو ده، اللي حصل من كهربا انه استفز زميلي وبيعمل حركه مش كويسه اللي بيفهم هيعرف انه بيقل منه وأنا روحت دفعته دفعه عادية والله هو زودها شويه وخلصنا خلاص لقيت المدرج اللي ورايا بيشتم أهلي ووالدتي”.

وواصل: “عايز حد يقولي ويرد عليا بعيد عن الكورة مين يقبل إن أهله ووالدته تتشتم في ناس كتير متعرفش حصل إيه وبتشتم وبتتكلم ومش عارفين حاجة”.

وأكمل تصريحاته:”حقك تشجع فريقك طبعا أنا لا فارق معايا ناس تتبسط من اللي حصل ولا ناس تزعل مني عشان فريقهم اللي يفرق معايا أهلي وتغور أي حاجة بعد كدة.. وتاني مرة أنا والله لا ليا في شو ولا تريند ولا الجو ده خالص وشكرًا”.