رسالة نارية من نجم الزمالك للمسؤولين بعد إصابته

شن يوسف حسن لاعب نادي الزمالك، هجومًا ناريًا على المسؤولين، بعد إصابته في الفترة الأخيرة، والتي تسببت في غيابه عن الملاعب لفترة طويلة.

وكتب يوسف حسن في تصريح له على صفحته الرسمية:” أنا بس هتكلم كلمتين، الواحد ساكت متكلمتش من ساعة ما اتصبت، أنا ولا حد بيسأل فيا ولا حد بيتطمن عليا بدون ذكر اسامي “.

وأضاف:” أنا مقصرتش مع حد، ولا عمر حد شاف مني حاجة وحشة، أولًا أنا اتصبت في ماتش المقاولون العرب في الكاحل، اتعالجت يومين وبعدين رحت منتخب الشباب “.

وتابع نجم الزمالك:” اتخبطت فيها تاني والإصابة تشخصت أنها قرحة ف الكاحل، محتاجة ليزر، وكل ما أكلم حد يقولي النادي مفهوش فلوس، أنا بقالي خمس شهور قاعد في البيت مفيش حد عارف يعملي عملية بـ 150 ألف جنيه، لدرجة أنني قلت عاوز فلوسي وأنا هعمله على حسابي “.

اقرأ أيضًا: عضو إدارة ريال مدريد ينصح مبابي بالسير على خطى بيلينجهام

وأردف:” وتاني مرة أقول حسبي الله ونعم الوكيل في اللي قال مزمنة، أنت كدة بتدمرني أنا معملتش حاجة وحشة، اللي قال كدة يثبت إنها مزمنة وأنا هنشر التقرير والأشعة.. نفسي أفهم ليه بيحصل كدة أنا مقصرتش بنقطة عرق واحدة وأنا بلعب مع النادي الزمالك “.

وأكمل:” لعبت خمس ماتشات كسبنا الخمسة الحمدلله يعني مقصرتش بأي حاجة، عامة أنا في إنتظار حد مسؤول في النادي يكلمني وهعمل العملية وهرجع أحسن من الأول بإذن الله.. وأنا بحب جمهور الزمالك من قلبي فعلا شكرا “.