محلل أداء الاهلي السابق يهاجم الخطيب بتصريحات نارية

شن أحمد سيد محلل الأداء الفني السابق بشركة الاهلي لكرة القدم هجومًا ناريًا على مسئولي القلعة الحمراء وذلك بعد الفترة التي عملها داخل شركة الكرة، مؤكدًا أن إدارة تحليل الأداء “سبوبة” لأحد رموز النادي.

وكتب “سيد” عبر حسابه الشخصي على موقع التواصل الإجتماعي “فيس بوك”:” قيمة وقامة كبيرة رشحتني للعمل في وظيفة كشاف لاعبين في الأهلي “.

وتابع:”اسم الاهلي على رأسي و أنا مُشجع و هشجع لغاية ما أموت و هنهتف بإسمه ببلاش، لكن لما يجي دورك تشتغل فأنت محتاج اللي يقدرك علشان تقدر تصرف على بيتك و احتياجاتك لأن اسم الأهلي المفترض يعني يخليك تعيش كويس مش يسيبك 3 شهور تشتغل ببلاش و بعدها علشان تكمل معاه يقولك ملاليم و فيه لاعيبه بتاخد ملايين”.

اقرأ أيضًا – فيتوريا يعلق على استبعاد شيكابالا والسعيد وعقوبة ثنائي الزمالك

وواصل: “أحد أفراد ادارة الأهلي العظيمة بعد ما عملت إنترفيو قالي هتابعوا بطولة أفريقيا للشباب في مصر، البطولة كانت شغالة و ديه بداية الأخطاء من الادارة ، كان المفترض تجهيز كل شئ قبل بداية البطولة “.

وأكمل سيد ” أبلغونا إن إدارة تحليل الأداء هي جديدة رغم أن هذه الإدارة كانت موجودة وتعمل بشكل طبيعي في 2018″.

وتابع: “عملت بكل جهد وتركت عملي ، عدد ساعات عملي في إدارة تحليل الأداء تخطت الـ 16 ساعة ، والمفاجأة يمر أسبوع والأخر ولم يتم استدعائنا لعرض عملنا وما قمنا به ، ولم يعلن انضمامنا من الأساس بشكل رسمي لوسائل الإعلام”.

وأردف:” لم أشعر بالراحة لافتقاد الأسس العلمية والأهداف في العمل وحتى العائد المادي”.

وقال:” فيه كذب و لف و دوران و كأن فكرة تطبيق ال Scouting مُسمي فقط و أساسها سبوبة اضافية داخل النادي لأحد رموزه , لذلك رفضت استمراري”.

وأكمل:”مش هرضي إطلاقًا أكون عنصر في كيان يفكر مجرد التفكير في التعاقد مع لاعيبه فوق 34 سنة ، هما جايين يموتوا عندنا ده جماهير الأهلي مش بترضي بخسارة فريقها النهائي الأفريقي الثالث بعد التتويج مرتين توالياً فانت محتاج تشتغل بكل قوة علشان تحصل علي أكبر قدر من النجاح”.

واختتم: “الأهلي لا هو قاعة تكريم و لا دار للعجزة ده ، إحنا في 2023 و لسه مش قادرين نعمل ميركاتو بقدر مكانة الأهلي او حتي الفلوس اللي بيدفعها”.