عار علينا.. هجوم ناري من مدحت شلبي على الأهلي

شن الإعلامي مدحت شلبي، هجومًا ناريًا على النادي الأهلي بعدما أعلن تعذر انضمام مدافعه ياسر إبراهيم إلى صفوف منتخب مصر، بسبب معاناته من الإجهاد.

وقال شلبي خلال تقديم برنامجه عبر قناة “أون تايم سبورتس”: “استدعاء أي لاعب للمنتخب هو شرف كبير، والنادي الأهلي رد على اختيار الجهاز الفني للمنتخب لـ ياسر إبراهيم، أنه بيعاني من إجهاد”.

وأوضح: “مش عايز أقول كلام يزعل حد، لكن هل يليق أن لاعب يتم استدعاءه يقول عندي إجهاد، ويعني ايه إجهاد واحنا لسه بنتكلم على ماتش يوم 18 والنهاردة 8 يعني لسه عشرة أيام”.

وواصل: “المسألة يجب ألا تمر مرور الكرام خاصة وإن اللاعب لم يشارك غير في مباراة واحدة يعني مريح، ولو كان فيه إجهاد لازم يروح للمنتخب والجهاز الطبي للمنتخب يقرر”.

وأردف: “فيتوريا في أخر مؤتمر صحفي لما اتسأل على سبب كريم فؤاد قال كان عندي ثقة فيه قبل ثقة النادي بتاعه فهل اعتبر مسؤولي الأهلي دى إهانة فهل ممكن يكون ده سبب”.

وأتم: “مينفعش الموضوع يعدي علينا وعار علينا الموضوع يعدي كده وسمعة الكرة المصرية، ومحدش يقول ده ماتش ودي لأن بلجيكا هتنزل مش هتهزر يجب على اتحاد الكرة ألا يمر مرور الكرام سواء أكان اللاعب نفسه أم مدير الكرة بتاعة”.