“المركب هتغرق” ..ميدو يفتح النار على لاعبي الزمالك
فتح أحمد حسام ميدو، المدير الفني لفريق الإسماعيلي ونجم الزمالك السابق، النار على لاعبي القلعة البيضاء، بعد الخسارة من فاركو.
وكان الزمالك، تلقى هزيمة ثقيلة أمام نظيره فاركو بنتيجة ثلاثة أهداف دون رد، في اللقاء الذي جمع بينهم مساء أمس الاثنين.
وقال ميدو في تصريحات متلفزة: “لاعيبة الزمالك مينفعش تتشال من المسؤولية الخاصة بخسارة الفريق أمام فاركو”.
وتابع:”لاعيبة الزمالك لما بتلاقي أعذار ومشاكل حول النادي، بيمسكوا فيها، وتبدأ النتائج تتراجع”.
وأضاف: “في أصول في الكورة، ولازم كل واحد من لاعيبة الزمالك يتحمل مسؤوليته، وبصراحة مفيش قائد في الملعب في الزمالك”.
واستكمل:”عبد الشافي قائد لكن مش بيتكلم كتير وده معروف عن شخصيته بيأدي دوره بشكل مثالي لكن مش بيتكلم مع اللاعيبة، انهاردة لاعيبة الزمالك بترمي على بعض”.
وأوضح: “الناس لو فضلت تشاور على بعض وترمي على بعض المركب هتغرق لازم كل واحد يتحمل مسؤولياته”.
واستطرد: “كان لازم شيكابالا يبقى موجود في معسكر الزمالك حتى لو مستبعد من قائمة الماتش، الفريق كان محتاج قائد، يلم اللاعيبة حواليه، لكن مين انهاردة قائد الزمالك الثاني بعد شيكابالا مش هتلاقي”.
واختتم: “أولاد الزمالك قادرين على إعادة الزمالك للطريق الصحيح مرة تانية”.
دش ساخن من ميدو للاعبي الزمالك😯 واخد مستحقاتك وجمهورك بيجيلك🤔 فين الأصول😡#الريمونتادا#قناة_المحور@midoahm pic.twitter.com/Bm5eKznOvi
— Mehwar TV Network (@MehwartvChannel) February 6, 2023
