“كفاية خناقات”.. ميدو يهاجم مرتضى منصور بسبب شيكابالا

انتقد أحمد حسام ميدو نجم الزمالك السابق، مرتضى منصور رئيس القلعة البيضاء بعد أزمته الأخيرة مع محمود شيكابالا قائد الفريق الأبيض.

وقال “ميدو” في تصريحات عبر برنامج الريمونتادا على قناة المحور: “الزمالك عنده مشاكل كتيرة جدًا الكل عارفها ومش محتاج مشاكل زيادة، حتى لو في مشكلة لازم نتجنبها دلوقتي لو من جوا النادي”.

وتابع: “الكلام اللي قاله مرتضى منصور فيما يخص شيكابالا مكانش وقته إنه يتقال، والبعض بيحاول يستغل الأزمة عشان يطلع ترند”.

اقرأ أيضًا – نجم الاهلي السابق يمهد طريق برشلونة لضم بديل ديمبلي

وتابع تصريحاته: “بطالب المستشار مرتضى منصور، أرجوك كفاية خناقات ومشاكل الزمالك مش محتاجها دلوقتي، في حاجات لازم تعديها، النادي بيمر بوقت صعب وكل الناس اللي عايشين في النادي عارفين ده”.

وأكمل تصريحاته: “مينفعش نزود المشاكل الخاصة بالنادي، وشيكابالا لا يستحق هذا الهجوم بكل صراحة، وشيكابالا ملوش أي ذنب في إن في فلوس متأخرة على سبورتنج لشبونة”